სირია-თურქეთის საზღვარზე, თურქული მხარის მიერ ჩამოგდებული რუსული სამხედრო თვითმფრინავის ორივე მფრინავი ცოცხალია და ისინი ოპოზიციონერების ხელში იმყოფებიან.
ამის შესახებ ინფორმაციას CNN-ის თურქეთის ბიურო წყაროზე დაყრდნობით სოციალურ ქსელ „ტვიტერზე“ ავრცელებს.
„წყაროები ამბობენ, რომ ორი პილოტი ცოცხალია, ისინი ოპოზიციონერთა ხელში არიან და მათი გათავისუფლებისთვის თურქეთი ძალისხმევას არ იშურებს“, – წერს თურქული CNN.
შეგახსენებთ, რომ საჰაერო სივრცის დარღვევის გამო, თურქეთის ავიაციამ რუსული სამხედრო თვითმფრინავი სუ-24 თურქეთ-სირიის საზღვართან ახლოს ჩამოაგდო. რუსეთის თავდაცვის სამინისტროს ინფორმაციით, რუსული თვითმფრინავი უშუალოდ სირიის ტერიტორიაზე იმყოფებოდა და მას თურქეთის საჰაერო სივრცე არ დაურღვევია.
რუსეთის ფედერაციის პრეზიდენტი ვლადიმერ პუტინი თურქეთის მიერ რუსული სუ-24-ის ჩამოგდების ფაქტს ზურგში დანის ჩარტყმად აფასებს და აცხადებს, რომ ეს შემთხვევა სცილდება ტერორიზმთან ბრძოლას.