ცხინვალის მარიონეტული რეჟიმის ე.წ. მთავრობამ დაკავებული თანამდებობებიდან გაანთავისუფლა ე.წ. ლენინგორის რაიონის ადმინისტრაციის უფროსის ორი მოადგილე – ალექსანდრე ბარათაშვილი და ჰამლეტ დრიაევი.
13 ოქტომებრს ე.წ. სამხრეთ ოსეთის მთავრობამ სხდომაზე საკადრო საკითხები განიხილა. ალექსანდრე ბარათაშვილის და ჰამლეტ დრიაევის განთავისუფლების მიზეზი არ დასახელებულა. რაიონის ადმინისრაციის უფროსმა ფილიპე ხაჩიროვმა სხდომას წარუდგინა ახალი მოადგილე, ინჟინერ-მექანიკოსი ვადიმ ბიჩენოვი.
განხორციელდა, აგრეთვე, სხვა საკადრო ცვლილებები. ასე მაგალითად, მშენებლობის მინისტრის მოადგილედ დაინიშნა ილია გუჩმაზოვი. ინფორმაციას აქვეყნებს ე.წ. სამხეთ ოსეთის მთავრობის ოფიციალური საიტი.