აფგან მუხტარლის საქმეზე შს მინისტრის პარლამენტში მისვლას ითხოვს „ევროპული საქართველო“. უმცირესობის წარმომადგენლები ამბობენ, რომ შექმნილ ვითარებაში კითხვებზე პასუხის გაცემას და კანონმდებლების წინაშე წარდგომას კანონმდებლობა ავალდებულებს.
„ეს არის ძალიან სამწუხარო პრაქტიკა, როდესაც მთავრობა არ სცემს პატივს პარლამენტს, როგორც ინსტიტუტს და რა თქმა უნდა, უმცირესობას. ეს არის თემა, რომელმაც ძალიან დიდი ზიანი მოგვაყენა, როგორც საერთაშორისო ასპარეზზე, ისე ზოგადად ჩვენს დემოკრატიას მიაყენა უდიდესი საიმიჯო ზიანი, ამიტომ აუცილებლად ამაზე ვიღაცამ უნდა აგოს პასუხი,“- განაცხადა სერგი კაპანაძემ.
