ჩვენი წმინდა ეკლესია კვლავ ზეწოლის ქვეშაა, ეს სიტუაცია სერიოზული დარტყმაა ჩვენი ერის, ჩვენი სახელმწიფოს რეპუტაციისთვის, – ამის შესახებ სომხეთის კათოლიკოსმა, გარეგინ II-მ განაცხადა.
სომხეთის ეკლესიის ხელმძღვანელის თქმით, უკანონო ქმედებების მიუხედავად, სომხეთის წმინდა ეკლესია, თავისი ღვთისმოსავი ხალხით, ძლიერი და ურყევია და ერთგულია თავისი ღვთაებრივი მოწოდებისა და მისიის.
„ჩვენი სამოციქულო ეკლესია ისტორიის განმავლობაში მრავალრიცხოვანი თავდასხმების სამიზნე გახდა, საშინელი ტანჯვა განიცადა, მაგრამ არასდროს გამხდარა სასოწარკვეთის ტყვე, რადგან მას ესმოდა, რომ ჭეშმარიტი თავისუფლება და ხსნა ქრისტესადმი მორჩილებაშია“, – აღნიშნა გარეგინ II-მ.
