გიორგი კვირიკაშვილი : ჩვენი ქვეყნის მომავალს მხოლოდ განათლებული ახალგაზრდები შექმნიან

news
ავტ.: news ივნისი 22, 2016 11:50

გიორგი კვირიკაშვილი : ჩვენი ქვეყნის მომავალს მხოლოდ განათლებული ახალგაზრდები შექმნიან

შინაგან საქმეთა სამინისტრო კარიერული წინსვლის ფორუმს მასპინძლობს. 13 უნივერსიტეტის კურსდამთავრებულ 200-მდე სტუდენტს საშუალება მიეცემა უწყებაში გამოცხადებულ ვაკანსიებზე დასაქმდნენ. ფორუმს  პრემიერ-მინისტრი დაესწრო, სტუდენტებს მიმართა და მინისტრ მღებრიშვილსა და მის გუნდს მადლობა გადაუხადა.

“როდესაც ასეთ ახალგაზრდებს ვხედავ, ოპტიმიზმით ვივსები. დღეს სასიამოვნი დღეა. ეს არის ერთგვარი ღია კარის დღე პოლიციისათვის, შინაგან საქმეთა სამინისტროსათვის. ახალგაზრდების ჩართულობა რეფორმებისა და ცვლილებების პროცესში, არის უკიდურესად მნიშვნელოვანი. ჩვენი ქვეყნის მომავლის შექმნას მხოლოდ და მხოლოდ განათლებული ახალგაზრდები შეძლებენ.  თითოეული თქვენთაგანის მონაწილეობა ჩვენი ქვეყნის სასიკეთო ცვლილებების პროცესში, არის უკიდურესად მნიშვნელოვანი. მინდა გისურვოთ წარმატებები, რადგან თქვენს წარმატებაზე არის დამოკიდებული თითოეული ადამიანის უსაფრთხოება ჩვენს ქვეყანაში, რაც არის უზენაესი მიზანი ჩვენთვის, ჩვენი მთავრობისათვის”,- აღნიშნა გიორგი კვირიკაშვილმა.

როგორც გიორგი კვირიკაშვილმა განაცხადა, ის მიესალმება შსს-ს სურვილს, გაზარდოს აკადემიის დაფარვის და ფუნქიონირების მასშტაბი  და ჩამოყალიბდეს საერთაშორისო საგანმანათლებლო ცენტრად.

“ჩვენ გვაქვს ძალიან ამბიციური გეგმები განათლების მიმართულებით, განათლება არის ყველაზე მნიშვნელოვანი და სტრატეგიული სფერო ჩვენი ქვეყნის მომავლის მშენებლობაში. საქართველო უნდა ჩამოყალიბდეს, როგორც საერთაშორისო საგანმანათლებლო ცენტრი და სწორედ შსს და პოლიციის აკადემიის მიერ გადადგმული პირველი ნაბიჯი, არის ძალიან თამამი ნაბიჯი,  ჩვენი მხრიდან კი  მაქსიმალური მხარდაჭერა იქნება“,- განაცხადა პრემიერ-მინისტრმა.

news
ავტ.: news ივნისი 22, 2016 11:50

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,525
ვიზიტორი
დღეში
Powered By Google Analytics