ჩვენი მთავარი მიზანი იმ გეგმის აღსრულების პრევენციაა, რომელმაც საქართველო ომამდე უნდა მიიყვანოს – დეპუტატები

“ქართული ოცნებიდან” წასული დიმიტრი ხუნდაძე, მიხეილ ყაველაშვილი და სოზარ სუბარი ერთობლივ განცხადებაში გადაწყვეტილების მიზეზების გარდა მათ სამომავლო მიზნებზეც საუბრობენ. დეპუტატები ამბობენ, რომ მათი მთავარი მიზანი იმ სცენარის პრევენციაა, რომელმაც საქართველო მათივე აზრით, არეულობამდე, ომამდე და რუსულ სამხედრო ოკუპაციამდე უნდა მიიყვანოს.

“ჩვენი მთავარი მიზანი იმ სცენარის პრევენციაა, რომელმაც საქართველო არეულობამდე, ომამდე და რუსულ სამხედრო ოკუპაციამდე უნდა მიიყვანოს. საქართველო ახალ არეულობასა და ომს ვერ გადაიტანს. აქედან გამომდინარე, ჩვენ უნდა ვიმოქმედოთ მაღალი პასუხისმგებლობით, რომელიც ჩვენი ქვეყნისა და ხალხის წინაშე გვაკისრია.

გარდა ამისა, ჩვენი მთავარი მიზანი იმ გეგმის აღსრულების პრევენციაა, რომელიც საქართველოს ევროპული ინტეგრაციის გზაზე ხელოვნური დაბრკოლებების შექმნას ისახავს მიზნად. თუ საზოგადოება არ აღიჭურვება საჭირო სიმართლით, ის თავად გახდება არეულობისა და ომის სცენარის ნაწილი, რაც ევროკავშირში საქართველოს ინტეგრაციას სამუდამოდ შეუძლებელს გახდის. ჩვენ უნდა აღვჭურვოთ საზოგადოება სიმართლით, რათა ის თავად გახდეს საქართველოს ევროპული მომავლის გარანტი”, – წერია განცხადებაში.

წინა სტატიაშითურქეთის იუსტიციის მინისტრის ინფორმაციით, ანკარა განაახლებს თავის მოთხოვნას შვედეთისა და ფინეთის მიმართ იმ პირთა ექსტრადირებაზე, რომლებსაც ოფიციალური ანკარა ტერორისტებად მიიჩნევს
შემდეგი სტატიარუსეთის ფედერაცია მოუწოდებს თურქეთს, თავი შეიკავოს სირიის ჩრდილოეთში ისეთი ნაბიჯების გადადგმისგან, რომელიც სიტუაციის ესკალაციას გამოიწვევს – ზახაროვა