საოკუპაციო რეჟიმის მიერ ე.წ ხელოვნური ბარიკადების აღმართვის პროცესის განახლების საკითხზე ინფორმაცია ჟენევის თანათავმჯდომარეებსა და საერთაშორისო პარტნიორებს მიეწოდება. ქეთევან ციხელაშვილის განცხადებით, ე.წ. საზღვრის აღმართვის საკითხზე ქართული მხარისა და საერთაშორისო თანამეგობრობის პოზიციები თანხვედრაშია.
„კომუნიკაცია გვაქვს ჩვენი პარტნიორი ქვეყნების წარმომადგენლებთან, ელჩებთან, მათშორის მომდევნო კვირას იქნება თბილისში ჟენევის თანათავმჯდომარეების ვიზიტი, ცალსახად მიუღებელია და ჩვენი ამოცანა და მიზანი გახლავთ ის, რომ ზოგადად დემონტაჟი მოხდეს მახინჯი, შემაფერხებელი ბარიკადის. არამხოლოდ უსაფრთხოებისთვის ქმნის სერიოზულ რისკებს, არამედ მოსახლეობას, ადგილზე მცხოვრებ მოსახლეობას, განურჩევლად ეთნიკური კუთვნილებისა, უქმნის ძალიან ბევრ დაბრკოლებას“, – აცხადებს ქეთევან ციხელაშვილი.