თბილისის ამაღლების სახელობის ტაძარში საზეიმო ლიტურგია აღესრულა. სრულიად საქართველოს კათოლიკოს-პატრიარქმა, უწმინდესმა და უნეტარესმა შიო III-მ მრევლს ამაღლების დიდებული დღესასწაული მიულოცა და ქვეყნის გამთლიანებაზე ისაუბრა.
პატრიარქმა ქადაგებისას მორწმუნეებს წმინდა მამების სწავლება შეახსენა და აღნიშნა, რომ მიწიერი ყოფა მხოლოდ დროებითი ეტაპია.
„წმინდა იოანე ოქროპირი ძალიან ხშირად ამბობს, რომ ჩვენი მიწიური ცხოვრება დროებითი მგზავრობაა და ჩვენი ნამდვილი და მარადიული სამშობლო ზეცაშია.
კიდევ ერთხელ გილოცავთ დღევანდელ დღესასწაულს. ღმერთმა დაგლოცოთ, გაგახაროთ, გაგაძლიეროთ. უფალმა ინებოს ყოველი ჩვენგანის სულიერი ამაღლება, საქართველოს სულიერი ამაღლება, გამთლიანება, გაძლიერება და გადარჩენა. ჩვენთან არს ღმერთი!“ — განაცხადა უწმინდესმა და უნეტარესმა შიო III-მ.
