დიდი ბრიტანეთის პრემიერმინისტრი ბორის ჯონსონი აშშ-ს პრეზიდენტს, ჯო ბაიდენს უკრაინაში ვიზიტთან დაკავშირებით ტელეფონით ესაუბრა. ჯონსონის თქმით, მათი ერთობლივი ყურადღება უკრაინის მხარდაჭერაზე რჩება.
“ახლახან ვესაუბრე აშშ-ს პრეზიდენტს ჯო ბაიდენს და განახლებული ინფორმაცია მივაწოდე კიევში პრეზიდენტ ზელენსკისთან შეხვედრზე.
ჩვენი ერთობლივი ყურადღება რჩება პრეზიდენტ ზელენსკისა და უკრაინელი ხალხის მხარდაჭერაზე თავისუფლებისთვის ბრძოლაში.
პუტინის ბარბაროსული წამოწყება არ უნდა დავუშვათ”,- წერს ბორის ჯონსონი.
