ექსპერტები მიიჩნევენ, რომ ლარის გაუფასურების მთავარი ფაქტორი მთავრობის არასწორი ეკონომიკური პოლიტიკა და დაანონსებული 10 პუნქტიანი გეგმაა. ანალიტიკოსების აზრით, ეროვნული ვალუტის გასამყარებლად სწორი ეკონომიკური პოლიტიკა უნდა გატარდეს.
„ლარი ჩვენი ეკონომიკური მდგომარეობის გამოხატულებაა, ის პერმანენტულად და მეთოდურად აჩვენებს, რომ ჩვენი ეკონომიკა არის ავად. სწორი მკურნალობისთვის საჭიროა სწორი დიაგნოზის დასმა, სწორი დიაგნოზი საგარეო ფაქტორები კი არ არის, არის ჩვენი ეკონომიკის სტრუქტურული სისუსტე,“- განაცხადა ექსპერტმა, ვახტანგ ლეჟავამ.
