“ჩვენც მოგვარტყით” – ამ ლოზუნგით, ანტისაოკუპაციო აქციის მონაწილეები შინაგან საქმეთა სამინისტროსთან აქცია-პერფორმანსს მართავენ. ისინი 20 ივნისს განვითარებულ მოვლენებს აპროტესტებენ და შინაგან საქმეთა მინისტრის თანამდებობიდან წასვლას მოითხოვენ.
გიორგი გახარიას გადადგომის მოთხოვნით, სამ კვირაზე მეტია რუსთაველის გამზირზე, ყოველდღიურად აქციები იმართება. აქციის მონაწილეების განცხადებით, ისინი მანამდე არ დაიშლებიან, სანამ გიორგი გახარია თანამდებობას არ დატოვებს.