„ჩვენ ვხედავთ ძალიან ორკესტრირებულ პროცესს, რომლის ამოცანა იყო, დამდგარიყო სწორედ ის განაჩენი, რა განაჩენიც დადგა,“ – ამ შეფასებას რუსთავი2-თან დაკავშირებით სააპელაციო სასამართლოს მიერ მიღებულ გადაწყვეტილებაზე ნაციონალური მოძრაობის ლიდერი, დავით ბაქრაძე, აკეთებს და აცხადებს, რომ “ეს არის დავა პირადად ბიძინა ივანიშვილსა და “რუსთავი2″-ს შორის”.განცხადება ამის შესახებ დავით ბაქრაძემ კურიერს პირდაპირ ეთერში გააკეთა.
ბაქრაძის თქმით, რუსთავი2-თან დაკავშირებით მსგავს გადაწყვეტილებას მოელოდა.
„ქართულმა ოცნებამ მთლიანად მოახდინა სასამართლო სისტემის თავის თავზე გადაქვემდებარება და ამით საფუძველშივე მოსპო თავისუფალი სასამართლოს იდეა საქართველოში,“ – განაცხადა დავით ბაქრაძემ.მან იმ რისკების შესახებაც ისაუბრა, რომელიც “რუსთავი2”-ის სარედაქციო პოლიტიკის შესაძლო შეცვლას უკავშირდება.
„რუსთავი2-ის მფლობელობის და სარედაქციო პოლიტიკის შეცვლა არჩევნებამდე 4 თვით ადრე აჩენს ფუნდამენტურ კითხვებს არჩევნების ლეგიტიმურობაზე და ამ პოზიციაზე დგას ძალიან ბევრი ჩვენი უცხოელი პარტნიორი,“ – განაცხადა დავით ბაქრაძემ.
