ნაციონალური მოძრაობა რესპუბლიკური პარტიის მიერ დღეს გაკეთებულ განცხადებას არჩევნებში დამოუკიდებლად მონაწილეობაზე სპეციალური ბრიფინგით ეხმაურება. დავით ბაქრაძის განცხადებით აღნიშნული პროცესი ნიშნავს კოალიციის დაშლის დაწყებას.
„რესპუბლიკური პარტიის დღევანდელი გადაწყვეტილებით ოფიციალურად გაფორმდა კოალიციის რღვევის დაწყება.
“მთელი ის საუბარი რაც მოვისმინეთ, რომ თითქოს პარტია ინარჩუნებს პოზიციებს და ამავე დროს მიდის ოპოზიციაში არის საზოგადოების თვალის ახვევა, წარმოუდგენელია, რომ ნახევარი პარტია იყოს ხელისუფლებაში და ნახევარი ოპოზიციაში. ეს ნიშნავს მხოლოდ ერთს, რომ ეს პროცესი გაგრძელდება რესპუბლიკელების მთლიან გასვლამდე კოალიციიდან და რესპუბლიკურ პარტიას მიჰყვება სხვა პარტიებიც. დღეს ჩვენ ვიხილეთ ქართული ოცნების დასასრულის დასაწყისის ოფიციალური გაფორმება და ეს სრულიად ბუნებრივია, ვინაიდან ოცნებას არ ჰქონდა არანაირი ღირებულება,“-განაცხადა დავით ბაქრაძემ.
