„ჩვენ ვეძებთ ახალ ადამიანებს იმისთვის, რომ ქვეყანაში რეალური ცვლილებები მოვახდინოთ” – მიხეილ სააკაშვილი

ქეთი ფერაძე
ავტ.: ქეთი ფერაძე იანვარი 16, 2018 10:44

„ჩვენ ვეძებთ ახალ ადამიანებს იმისთვის, რომ ქვეყანაში რეალური ცვლილებები მოვახდინოთ” – მიხეილ სააკაშვილი

მიხეილ სააკაშვილმა უკრაინის რეგიონებში ტურნე განაახლა. ხანგრძლივი პაუზის შემდეგ, საქართველოს მესამე პრეზიდენტი პირველად დნეპრს ეწვია, სადაც ადგილობრივ მოსახლეობასთან და მომხრეებთან შეხვედრა გამართა.

მისი თქმით, ის აგრძელებს ახალი ადამიანების ძიებას, რომლებიც მომავალში უკრაინის ხელისუფლების ჩამოყალიბებაში მიიღებენ მონაწილეობას.

შეხვედრის დასრულების შემდეგ, პარტია „ახალი ძალების მოძრაობის“ ლიდერმა ტელეკომპანია news one-ის პირდაპირ ეთერში მოსახლეობასთან შეხვედრის დეტალებზე ისაუბრა.

„ჩვენ ვეძებთ ახალ ადამიანებს იმისთვის, რომ ქვეყანაში რეალური ცვლილებები მოვახდინოთ. აქ ძალიან ბევრ საინტერესო, მშრომელ ადამიანს შევხვდით, რომლებიც მზად არიან უკრაინაში ხელისუფლების შესაცვლელად. შეხვედრაზე გამოცდილი პოლიტიკოსები და ნიჭიერი ახალგაზრდები მოვიდნენ. ეს არ იყო ანტიკორუფციული ფორუმი, სადაც ჩვენ ვსაუბრობდით იმაზე თუ როგორ უნდა შეიცვალოს სიტუაცია. აქ მოვიდნენ ადამიანები, რომლებსაც თავად აქვთ კონკრეტული წინადადებები, გამოცდილება და მებრძოლები არიან. მათ აღარ აქვთ დრო, რომ კიდევ 2 წელი მოიცადონ და ხელისუფლების მორიგი გადანაწილების მოწმეები გახდნენ. ხალხი გაბრაზებულია და მზად არის ხელისუფლების შესაცვლელად,” – განაცხადა მიხეილ სააკაშვილმა.

ქეთი ფერაძე
ავტ.: ქეთი ფერაძე იანვარი 16, 2018 10:44

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


14,494
ვიზიტორი
დღეში
Powered By Google Analytics