ჩვენ უნდა გავაერთიანოთ პოზიციები საქართველოსა და უკრაინის ევროინტეგრაციასთან და ნატოში გაწევრიანებასთან დაკავშირებით – ამის შესახებ სალომე ზურაბიშვილმა უკრაინის პრეზიდენტთან ვლადიმერ ზელენსკისთან შეხვედრისას განაცხადა.
სალომე ზურაბიშვილი უკრაინის პრეზიდენტის ინაუგურაციას დაესწრო. ინაუგურაციის შემდეგ კი შეხვედრა გაიმართა.
მხარეებმა შეხვედრისას ქართულ-უკრაინული ურთიერთობების განვითარების მიმართულებები განიხილეს და გამოთქვეს რწმენა, რომ სამომავლოდ სტრატეგიული პარტნიორობა კიდევ უფრო გაღრმავდება. სალომე ზურაბიშვილმა ვლადიმერ ზელენსკი საქართველოში მოიწვია.
ინფორმაციას შეხვედრის შესახებ უკრაინის პრეზიდენტის ადმინისტრაცია ავრცელებს.