ჟურნალისტებთან შეხვედრისას ექსპრემიერი ბიძინა ივანიშვილი, ადამიანის უფლებათა ევროპული სასამართლოს მიერ ვანო მერაბიშვილთან დაკავშირებით გამოტანილ გადაწყვეტილებას გამოეხმაურა. ივანიშვილის თქმით სტრასბურგის სასამართლოს მინიშნებებზე ყურადღების გამახვილება მოხდება და სასამართლოს შესაბამისი ორგანოები უპასუხებენ:
“სტრასბურგის სასამართლოს მინიშნებას ყველა ყურადღებით მოეკიდება, მაგრამ ჩვენ ხომ ვიცით ვინ იყო მერაბიშვილი, ეს ხომ ყველამ ვიცით. სტრასბურგის სასამართლოს შესაბამისი ორგანოები უპასუხებენ”,- განაცხადა ბიძინა ივანიშვილმა.
შეგახსენებთ, ადამიანის უფლებათა სასამართლომ ვანო მერაბიშვილთან დაკავშირებით გადაწყვეტილება გამოიტანა სადაც აღნიშნულია, რომ ვანო მერაბიშვილი პოლიტიკური მოტივით არის უკანონო პატიმარი. (5.3 მუხლი – უკანონო წინასწარი პატიმრობა, 18 მუხლი – პოლიტიკური პატიმრობა)
