“არასერიოზულია ყველაფერი, რაც ხდება, ღიმილისმომგვრელია”, – ასე ეხმაურება სახდეპის სანქციებს კახა კალაძე.
თბილისის მერის თქმით, მას სანქცირებასთან დაკავშირებით არანაირი შეტყობინება არ მიუღია.
“ეს არ ცვლის ჩვენს დამოკიდებულებას სამშობლოს მიმართ. არ ცვლის ჩვენი გადაწყვეტილების შეცვლას, როდესაც საუბარია ქვეყნის ინტერესებს და ამ ქვეყნის ხვალინდელ დღეზე. არავის ეშინია ამ სანქციების. ერთხელ ვთქვით უკვე…. არანაირი შეტყობინება, არასერიოზულია ყველაფერი, რაც ხდება, ღიმილისმომგვრელია. შესაბამისად, ჩვენ გაცხადებული გვაქვს ჩვენი პოლიტიკა, რომ ვიცავთ ქვეყნის ინტერესს.
ვიღაცისთვის სადღაც წასვლა ან არწასვლა პრობლემას წარმოადგენს, ჩემთვის არსებითი მნიშვნელობა არ აქვს როდესაც ქვეყანაზე და სამშობლოზეა საუბარი,” – ამბობს კალაძე.
