ეკონომიკის მინისტრის დიმიტრი ქუმსიშვილის განცხადებით, სტატისტიკის ეროვნულმა სააგენტომ მთლიანი შიდაპროდუქტის მაჩვენებელი გამოაქვეყნა და ნოემბერში აღნიშნული მაჩვენებელი დადებითია.
ქუმსიშვილი ვარაუდობს, რომ წელს საქართველოს მთლიანი შიდა პროდუქტის ზრდა 3% იქნება.
„ჩვენ ძალიან კარგი მონაცემები გვაქვს. დღეს დილით სტატისტიკის ეროვნულმა სააგენტომ გამოაქვეყნა მთლიანი შიდაპროდუქტის ზრდა წინასწარი, ესაა 5.3%, რაც ძალიან კარგი მაჩვენებელია ნოემბრისთვის. წლიური გადაანგარიშებით ეს ნიშნავს იმას, რომ ჩვენ 3%-ზე გავალთ წლევანდელ წელს უკვე მთლიანი შიდაპროდუქტის ზრდაზე. რამდენიმე დარგია, სადაც განსაკუთრებით დიდი ზრდა გვაქვს წინა წელთან შედარებით, ესაა მშენბლობა სადაც 30%-იანი ზრდაა, მეტალურგიული პროდუქტების წარმოება, ასევე 30%-იანი ზრდაა, სამთომოპოვებითი მრეწველობა 15%-იანი ზრდა, კარგი ზრდა გვაქვს სასტუმროებში და რესტორნებში 10%-იანი და საფინანსო შუამავლობაში 9%-იანი ზრდაა“, – განაცხადა ქუმსიშვილმა.