ჭუბერში ჰიდროელექტროსადგურის მშენებლობასთან მთა მოწყდა

თაიმერი timer.ge
ავტ.: თაიმერი timer.ge ივლისი 5, 2018 15:22

ჭუბერში ჰიდროელექტროსადგურის მშენებლობასთან მთა მოწყდა

მნიშვნელოვანი

  • მუშებმა მოასწრეს მდინარის გადმოღმა გადმოსვლა. ტექნიკა დარჩა იქით, ახლა ხალხი გამოსულია გარეთ და ებრძვიან, იმიტომ რომ ამან (მდინარე ნენსკრამ) გაგიჟება ასე ნაუცბათევი კი არ იცის, შეიძლება ამაღამ რამე სასწაული დაატრიალოს,“- ამბობს ადგილობრივი მანანა საღლიანი.

სხვა სტატიები

სვანეთი კატასტროფის წინაშეა. ცოტა ხნის წინ ჭუბერში, სადაც ჰიდროელექტროსადგურს აშენებენ, მთა მოწყდა და მდინარის კალაპოტი ჩახერგა.

ადგილობრივების თქმით, წყლის დიდმა მასამ წაიღო გზა, ცენტრალური და კიდევ რამდენიმე შედარებით მცირე ზომის ხიდი.

“ასეთი რაღაც არ ახსოვს არავის, ცენტრში მოდის მთელი ხეობა. აქ ცენტრალური ხიდი საერთოდ წაღებულია. ზუსტად არ ვიცი ქვემოთ რა მდგომარეობაა, ცენტრში მოდის მთელი ხეობა.

“მესაზღვრეებთან დარეკეს მთა მოწყდა, დააგუბა და წამოვიდა. ჯერ-ჯერობით არაფერი ვიცით“-ამბობს ადგილობრივი.

მისი თქმით, შემთხვევა ნენსკრა ჰესის მშნებლობის ადგილზე მოხდა. ამ დროისთვის არც ადგილობრივებს აქვთ ინფორმაცია, არის თუ არა ზარალი, ჩარჩენილია თუ არა მიმდებარე ზონაში მოსახლეობა ან ავტომობილები. ჭუბერის მკვიდრის ინფორმაციით, სულ ოთხი ცენტრალური ხიდია წაღებული.

„ჩვენ რაც ვიცით ოთხი ცენტრალური ხიდია წაღებული, სასიცოცხლო ხიდი, ქვემოთ შემოსასვლელი წაღებულია. ახლა მდინარემ ცოტა დაიკლო“ – ამბობს ადგილობრივი.

ადგილობრივების თქმით, გვიან ღამით ძლიერი წვიმის შედეგად, ჭუბერში წითელი მთის ნაწილი ჩამოიშალა.

„ჭუბერის ზედა სოფლები, ზემო ნაწილში განლაგებული სოფლები ფაქტობრივად მოწყვიტა გარესამყაროს. იმიტომ რომ ხიდი წაღებულია.

მაგათ მდინარე ჰყავდათ გაყვანილი მილებში, როგორც მესტია-ჭალას შემთხვევაში იყო და ზემოდან იყო გადასასვლელი გზა.

მუშებმა მოასწრეს მდინარის გადმოღმა გადმოსვლა. ტექნიკა დარჩა იქით, ახლა ხალხი გამოსულია გარეთ და ებრძვიან, იმიტომ რომ ამან (მდინარე ნენსკრამ) გაგიჟება ასე ნაუცბათევი კი არ იცის, შეიძლება ამაღამ რამე სასწაული დაატრიალოს,“- ამბობს ადგილობრივი მანანა საღლიანი.

როგორც ადგილობრივები ამბობენ, ზემო ჭუბერში ხალხმა საკუთარი ძალებით შეძლო სტიქიის ზონიდან გამოსვლა.

სხვერპლისა და დაშავებულების შესახებ ინფორმაცია ჯერჯერობით არ ვრცელდება. ზუსტდება ინფორმაცია, კატასტროფის მასშტაბის შესახებ – ადგილობრივების თქმით, ჰესის მშენებლობის გამო მაღალმთიანი რეგიონის ერთ ნაწილს დატბორვა, მეორეს დამეწყვრა ემუქრება.

თაიმერი timer.ge
ავტ.: თაიმერი timer.ge ივლისი 5, 2018 15:22

Google სტატისტიკა


3,801
ვიზიტორი
დღეში
Powered By Google Analytics