კალიფორნიის უნივერსიტეტის კლიმატოლოგმა ზაკ ლაბემ განაცხადა, რომ გრენლანდიის ზღვაზე ანომალურად მაღალი ტემპერატურა ფიქსირდება, რომლის შედეგადაც თებერვალში არქტიკის ტემპერატურამ ნორმას 20 გრადუსით გადააჭარბა – Science Alert-ი წერს.
აშშ-ს გლობალური პროგნოზის სისტემის (Global Forecast System) თანახმად, მოულოდნელმა დათბობამ, შესაძლებელია, მომდევნო თვეებში არქტიკაში ტემპერატურა +2 ცელსიუსამდე გაზარდოს. აღნიშნულ რაიონში ჰაერის ტემპერატურა უკვე მიუახლოვდა წყლის გაყინვის ტემპერატურას.
ჩრდილოეთ პოლუსზე ანომალური დათბობა იშვიათად ხდება, თუმცა, უკანასკნელ ხანებში რამდენჯერმე დაფიქსირდა. მეცნიერების თქმით, ამის მიზეზი არქტიკაში ყინულის შემცირებაა.