ჩრდილოეთ კორეელი გენერალი ჩინეთში გაიქცა და თან 40 მილიონი დოლარი წაიღო – ამის შესახებ სამხრეთკორეული KBS World Radio იტყობინება.
რადიოს მიერ გავრცელებული ინფორმაციით, გაქცეული მნიშვნელოვან ადგილს იკავებდა შრომის პარტიის 39-ე განყოფილებაში, რომელიც უცხოეთში მყოფი კორეელების ქვეყანაში გამოგზავნილი ვალუტის შემოდინებას განკარგავს. ცნობილია, რომ გენერალს სამხრეთ-დასავლეთი აზია ებარა.
როგორც რადიოს საინფორმაციო სამსახური იტყობინება, გენერალმა თან წაიყვანა ოჯახი და ჩინეთიდან მესამე ქვეყანაში გადასვლის შესაძლებლობებს ეძებს. გაქცევის მოტივად კიმ ჩენ ინის რეჟიმი სახელდება.
