ჩრდილოეთ კორეა რუსეთის დასახმარებლად, უკრაინის წინააღმდეგ ომში დამატებით 30 000-მდე ჯარისკაცს აგზავნის – წერს CNN უკრაინულ ოფიციალურ პირებსა და დასავლური დაზვერვის წარმომადგენლების ინფორმაციაზე დაყრდნობით.
CNN-ის ინფორმაციით, ჯარისკაცები რუსეთში უახლოეს თვეებში ჩავლენ და ნოემბერში გაგზავნილ 11 000 ჯარისკაცს დაემატებიან, რომლებიც რუსებს კურსკის ოლქში უკრაინის შეტევის მოგერიებაში ეხმარებოდნენ.
ოფიციალური ინფორმაციით, ჩრდილოეთ კორეელი ჯარისკაცებიდან მინიმუმ 4 000 დაიღუპა ან დაიჭრა, თუმცა ფხენიანის თანამშრომლობა მოსკოვთან მას შემდეგ უფრო გამყარდა.
