„ნაციონალური მოძრაობის“ წევრ ნიკა რურუას განცხადებით, ყოფილ პრემიერ-მინისტრ ბიძინა ივანიშვილს სასამართლო სისტემისა და მედიის კონტროლის სურვილი აქვს.
ამის შესახებ რურუამ მეტროსადგურ „რუსთაველთან“, ტელეკომპანია „რუსთავი 2“-ის მხარდამჭერ აქციაზე განაცხადა.
„ჭორვილელ ოლიგარქს სურვილი აქვს, სასამართლო და მედია აკონტროლოს. ჩვენ ყველაფერი უნდა გავაკეთოთ, რომ ქვეყანამ არ დაკარგოს მიღწეული და თავისუფალი აზრი არ დავკარგოთ“, – განაცხადა რურუამ.
მეტროსადგურ „რუსთაველთან“ „ნაციონალური მოძრაობის“ აქცია მიმდინარეობს.
აქცია, რომელზეც „ნაციონალური მოძრაობა“ „რუსთავი 2“-ის წინააღმდეგ არსებულ სასამართლო დავას აპროტესტებს, მეტროსადგურ „რუსთაველიდან“ მსვლელობით, უზენაეს სასამართლოსთან გადაინაცვლებს.