ჩხოროწყუს მუნიციპალიტეტის საკრებულოსა და გამგეობის მხარდაჭერით და ორგანიზებით ირაკლი ციციშვილის სახელობის ბავშვთა კლინიკის 10 პროფილის ექიმი სოფელ ქვედა ჩხოროწყუში უფასო სამედიცინო გამოკვლევებს ატარებს.
სხვადასხვა სახის პროფილაქტიკური უფასო სამედიცინო გამოკვლევები ადგილობრივ ბავშვებს მთელი დღის განმავლობაში ჩაუტარდებათ. სამედიცინო აქციას ჩხოროწყუს მუნიციპალიტეტის საკრებულოს თავმჯდომარე ბესიკ ესებუა დაესწრო. როგორც ესებუამ განაცხადა, მსგავსი აქციები ერთჯერადი არ არის და ის მომავალშიც გაგრძელდება.
აღსანიშნავია, რომ უფასო სამედიცინო გამოკვლევები ჩხოროწყუს მუნიციპალიტეტში უკვე მეშვიდედ ტარდება.
