ჩხოროწყუ იზორიების საფეოდალო

თაიმერი timer.ge
ავტ.: თაიმერი timer.ge სექტემბერი 30, 2018 00:12

ჩხოროწყუ იზორიების საფეოდალო

“ოკუპირებული აფხაზეთიდან გადმოტანილი კონტრაბანდული სიგარეტი პოლიციის მაღალჩინოსნის ოჯახიდან იყიდებოდა.

კურიერმა თამბაქოს რეალიზაცია ფარული კამერით გადაიღო, ჩხოროწყუს პოლიციის უფროსის, ჯუმბერ იზორიას ოჯახმა კი ამის გამო რუსთავი2-ის კამერა დაამტვრია და გადამღებ ჯგუფს შეურაცხყოფა მიაყენა.

იზორიების აგრესიის მსხვერპლი ტელევიზია მას შემდგა გახდა, რაც კურიერმა ფარული კამერით გადაიღო, როგორ იყიდება კონტრაბანდული სიგარეტი და საწვავი პოლიციის მაღალჩინოსნის სახლიდან.

წყაროს მიერ ამ ინფორმაციის მოწოდების შემდეგ რუსთავი2-ის წარმომადგენელი ფარული კამერით იზორიების ოჯახს მოქალაქედ გაეცნო და მათგან აფხაზურ აქციზიანი სიგარეტი და საწვავი შეიძინა.

ჯუმბერ იზორიას ძმამ და ბიძაშვილმა კონტრაბანდული პროდუქციის გაყიდვა კურიერთან უარყვეს და გადამღებ ჯგუფს ადგილის დატოვება მოსთხოვეს. მას შემდეგ კი, რაც ჟურნალისტმა მათ ჰკითხა, ხომ არ მფარველობს არალეგალურ ბიზნესს თავდაცვის მინისტრი, ლევან იზორია და ხომ არ არის მინისტრის ნათესაობა ხელშეუხებლობის გარანტია, კურიერი იზორიების მხრიდან აგრესიის ობიექტი გახდა.

პოლიციის უფროსმა, ჯუმბერ იზორიამ, კურიერთან ამ თემაზე საუბარი არ ისურვა. გადამღებ ჯგუფს პოლიციის შენობაში უთხრეს, რომ უფროსი ადგილზე არ იმყოფებოდა და ვერც დაუკავშირდებოდნენ.

ჯუმბერ იზორიას საქმიანობის შესახებ ინფორმირებულია ოპოზიცია. ნაციონალური მოძრაობის წევრის, მურთაზ ზოდელავას, თქმით, ჯუმბერ იზორიას გავლენიანი მფარველები მთავრობაში ჰყავს. ის თავდაცვის მინისტრს ლევან იზორიას გულისხმობს. ზოდელავას თქმით, მფარველობის მიზეზი კი წინასაარჩევნოდ პოლციიის უფროსის მიერ ამომრჩევლების მოსყიდვა და დაშინებაა.”

თაიმერი timer.ge
ავტ.: თაიმერი timer.ge სექტემბერი 30, 2018 00:12

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics