ჩინეთში ჟურნალისტი, რომელიც მზის სათვალით და ქოლგით იღებდა ინტერვიუს, სამსახურიდან დაითხოვეს – დღეს “ბიბისი ნიუსი” წერს.
ინციდენტი ქალაქ სიამინში მოხდა. რეპორტიორი ინტერვიუს ვოლონტიორისგან იღებდა, რომელიც ტაიფუნ “მერანტის” მიერ დანგრეული ქალაქის სამაშველო სამსახურებში მონაწილეობდა.
რედაქციის გადაწყვეტილებით, განთავისუფლების მიზეზი გახდა ის, რომ ჟურნალისტი რადიკალურად განსხვავდებოდა ადამიანისგან, რომლისგანაც ინტერვიუს იღებდა, რაც “არაპროფესიონალიზმის, კარგი მანერებისა და მოსაუბრესთან ურთიერთობის ცოდნის არქონაზე მიუთითებს … ჩვენმა ერთ-ერთმა ჟურნალისტმა ჩვენი წესები დაარღვია. მან ინტერვიუს გაკეთება ვერ შეძლო… მან ჟურნალისტის იმიჯს და პროფესიას ზიანი მიაყენა მაყურებლის ნეგატიური ემოციით” – ნათქვამია რედაქციის განცხადებაში.
