ჩინეთის თავდაცვის მინისტრი – აშშ-ის მიერ ტაივანისათვის იარაღის მიყიდვა ჩინეთისთვის წითელ ხაზს წარმოადგენს

ჩინეთის თავდაცვის მინისტრის თქმით, ტაივანის ჩინეთთან მშვიდობიანი გზით გაერთიანების პერსპექტივას სეპარატისტები და გარე ძალები უთხრიან ძირს. ეს განცხადება დონ ჯუნმა სინგაპურში „შანგრილას დიალოგის“ სახელით ცნობილ უსაფრთხოების სამიტზე სიტყვით გამოსვლისას გააკეთა.

„ტაივანთან დაკავშირებული საკითხების გადაწყვეტა კანონის მიხედვით წარმოადგენს ჩინეთის შიდა საქმეს და გარე ძალებს არ აქვთ ჩარევის უფლება. ჩვენ ყოველთვის ვიყავით მშვიდობიანი გაერთიანების ერთგულები, მაგრამ ამ პერსპექტივას ძირს უთხრიან ტაივანის დამოუკიდებლობის მომხრე ელემენტები და გარე ძალები. ეროვნული განხეთქილების საფრთხე მუდამ არსებობს“, – განაცხადა ჩინეთის თავდაცვის მინისტრმა.

ჩინეთის სამხედრო მაღალჩინოსნის თქმით, აშშ-ის მიერ ტაივანისათვის იარაღის მიყიდვა ჩინეთისთვის წითელ ხაზს წარმოადგენს.

„ასეთი ქცევა ძალიან არასწორ გზავნილებს აძლევს ტაივანის დამოუკიდებლობის მომხრე ძალებს და მათ უფრო აგრესიულს ხდის. ჩვენ მკაფიოდ ვამბობთ, რომ უცხოეთის ძალების ნამდვილი ამოცანაა, გამოიყენონ ტაივანი ჩინეთის შესაკავებლად“, – განაცხადა დონ ჯუნმა.

ამავე გამოსვლაში ჩინეთის თავდაცვის მინისტრმა სამხრეთ-აღმოსავლეთ აზიის ქვეყნების ასოციაციაში შემავალ სახელმწიფოთა ნაწილს საკუთარი ვალდებულებების დარღვევაში დასდო ბრალი.

„კონკრეტული ქვეყნები გარე ძელების წაქეზებით გავიდნენ ორმხრივი შეთანხმებებიდან, დაარღვიეს საკუთარი ვალდებულებები, განზრახ გააღვივეს პრობლემები, ქმნიდნენ ილუზიებს, რათა შეცდომაში შეეყვანათ საზოგადოება და ასევე ახდენდნენ რეგიონის ქვეყნების საერთო ინტერესების იგნორირებას. მათ დაარღვიეს სამხრეთ-აღმოსავლეთ აზიის ქვეყანათა ასოციაციის წესდების ორი მუხლი, თანამშრომლობდნენ გარე ძელებთან, რათა რეგიონში სტრატეგიული რაკეტები განელაგებინათ, ამან კი, სერიოზულად გამოუთხარა ძირი რეგიონულ სტაბილურობასა და უსაფრთხოებას. ასეთ ქმედებები საბოლოოდ იქნება კონტრპროდუქტიული“,- განაცხადა ჩინეთის თავდაცვის მინისტრმა.

banner
წინა სტატიაშიზელენსკი – მსოფლიო უნდა იყოს ძლიერი, მოახდინოს პოლიტიკური ზეწოლა რუსეთზე, შეუძლებელია პუტინის შეჩერება სხვა გზით
შემდეგი სტატიააშშ-მა, სხვა პარტნიორ ქვეყნებთან ერთად, შესაძლოა, ჩინური კომპანიები დაასანქციროს