ჩინეთში მსოფლიოში უმსხვილესი რადიოტელესკოპის მშენებლობა დასრულდა.
როგორც სახელმწიფო სააგენტო სინხუა იტყობინება, პროექტში მონაწილე მეცნიერები ვარაუდობენ, რომ ახალი უძლიერესი რადიოტელესკოპის მეშვეობით, მათ სამყაროს სიღრმეებში შესვლა და საიდუმლოებების ამოხსნა შეეძლებათ.
ტელესკოპი FAST-ი გუიჩჟოუს პროვინციაში მდებარეობს და სექტემბრიდან შევა ექსპლოატაციაში. მასზე 5 წელი და 180 მილიონი დოლარი დაიხარჯა. რეფლექტორის დიამეტრი 500 მეტრია.