ჩინეთი რუსეთში, სამხედრო წვრთნებში ჯარებს გაგზავნის

ჩინეთის თავდაცვის სამინისტრომ ოთხშაბათს განაცხადა, რომ ჩინეთის ჯარები რუსეთში გამგზავრებიან, რათა მონაწილეობა მიიღონ ერთობლივ სამხედრო წვრთნებში. წვრთნები ჩინეთის გარდა უმასპინძლებს ინდოეთს, ბელარუსს, მონღოლეთს, ტაჯიკეთსა და სხვა ქვეყნებს.

სამინისტროს განცხადებაში ნათქვამია, რომ ჩინეთის მონაწილეობა ერთობლივ წვრთნებში არაა დაკავშირებული დღევანდელ საერთაშორისო და რეგიონულ სიტუაციასთან.

“მიზანია მონაწილე ქვეყნების ჯარებთან პრაქტიკული და მეგობრული თანამშრომლობის გაღრმავება, მონაწილე მხარეებს შორის სტრატეგიული თანამშრომლობის დონის ამაღლება და უსაფრთხოების სხვადასხვა საფრთხეებზე რეაგირების უნარის გაძლიერება”, – ნათქვამია განცხადებაში.

მოსკოვმა განაცხადა, რომ წვრთნები 30 აგვისტოდან 5 სექტემბერამდე გაიმართება.

banner
წინა სტატიაშიმანჯგალაძე – ჩვენ ვემზადებით კომპლექსური გეგმისთვის, სადაც არის „სტრატეგია აღმაშენებელი“, იქ ყველაფერი იქნება კონსტიტუციის ფარგლებში
შემდეგი სტატიასამნიძე – საუბარი, რომ არჩევნებით არ წავა ეს ხელისუფლება და არჩევნები არ გვინდა, არასწორია