სამეგრელოს ბევრ სოფელში გახშირებული საქონლის ქურდობის გამო, რომელმაც მასშტაბებით ლეკიანობისდროინდელს გაუსწრო, მოსახლეობას, საქონლის გამოსაკვებად ადრიდანვე მომარაგებული ჩალის ზვინები, ხელუხლებლად შერჩა. სოფლებში საქონლის სიმცირის გამო, დაზარალებული ოჯახებისთვის, მათი გაყიდვაც შეუძლებელი ხდება. პოლიციის არაეფექტურობით განაწყენებულმა ენაკვიმატმა მეგრელებმა, უსარგებლოდ დარჩენილ ჩალის ზვინებს სახელიც მოუფიქრეს და მათ ,,ჭიკაიძის ჩიჩილაკებს,, ეძახიან.