ჩიკაგოს ცათამბჯენის 95-ე სართულიდან ლიფტი მოწყდა. მასში ექვსი ადამიანი იმყოფებოდა, თუმცა, არავინ დაშავებულა. ლიფტი მე-11 სართულზე გაიჭედა, მგზავრებმა თავის მეგობრებს შეტყობინებები გაუგზავნეს, რომლებიც სამაშველო სამსახურებს დაუკავშირდნენ. სამ საათში ყველა მათგანი ლიფტიდან უვნებლად ამოიყვანეს. შემთხვევა პარასკევს მოხდა.
ექვს მგზავრს შორის ერთი ფეხმძიმე ქალი იყო – “ბიბისი” წერს.
მომხდარის შესახებ გამოძიება დაიწყო, რომელმაც შემთხვევის მიზეზები უნდა დაადგინოს. ჩამოვარდნილ ლიფტს შემოწმება მიმდინარე წლის ივლისში ჩაუტარდა.