ჭიდაობის ფედერაციის პრეზიდენტის არჩევნებში გეგა გეგეშიძემ გაიმარჯვა, მან 46 ხმა მიიღო. მეორე კანდიდატმა მანუჩარ კვირკველიამ 22, ხოლო ესტატე გოგლიჩიძემ 3 ხმა მიიღო.
არჩევნების პროცედურის დასრულებამდე, დაპირისპირება მოხდა კანდიდატების მხარდამჭერებს შორის. ერთ-ერთ დელეგატს ხმის მისაცემად აუცილებელი მინდობილობა თან არ ჰქონდა და ამ დოკუმენტის გარეშე დაუშვეს ხმის მისაცემად. ამ ფაქტს კანდიდატების მხარდამჭერების უკმაყოფილება მოყვა და ისინი ერთმანეთს სიტყვიერად დაუპირისპირდნენ, იყო მცირე შეხლა-შემოხლა.
ჭიდაობის ფედერაციის პრეზიდენტის არჩევნები ფარული კენჭისყრით ჩატარდა.
არჩევნებში მონაწილე დელეგატებს 3 კანდიდატს შორის მოუწიათ არჩევანის გაკეთება.
