ჭიათურის მერმა სავაჭრო ქსელის წარმომადგენლები გააფრთხილა

თაიმერი timer.ge
ავტ.: თაიმერი timer.ge მარტი 26, 2020 23:27

ჭიათურის მერმა სავაჭრო ქსელის წარმომადგენლები გააფრთხილა


ჭიათურის მერმა გივი მოდებაძემ ქალაქში არსებული სავაჭრო დაწესებულებებში საგანგებო სიტუაციის ფარგლებში გათვალისწინებული ნორმების შესრულების ხარისხი შეამოწმა.

რამდენიმე მაღაზიაში გარკვეულ პროდუქტზე გაზრდილი ფასები დაფიქსირდა.

გივი მოდებაძემ გააფრთხილა სავაჭრო ქსელების წარმომადგენლები, მეტი პასუხისმგებლობით მოეკიდონ მსოფლიოში,მათ შორის საქართველოში შექმნილ ვითარებას, დაიცვან მომხმარებელთა ინტერესები და არ მოხდეს სურსათზე ფასების ხელოვნურად ზრდა.

როგორც ჭიათურის მერმა აღნიშნა, შესაბამის სამსახურებთან ერთად, აღნიშნულ საკითხს ყოველდღიურ მონიტორინგს გაუწევს.

რაც შეეხება სურსათით მომარაგებას, როგორც მაღაზიებში აღნიშნეს, საკვები პროდუქტის მარაგი საკმარისად აქვთ.

მუნიციპალიტეტის მერმა ადმინისტრაციული სამსახურის უფროსთან ხათუნა ცერცვაძესთან და საქართველოს წითელი ჯვრის ჭიათურის წარმომადგენლებთან ერთად, სავაჭრო ქსელში დასაქმებულებს და ადგილობრივ მოსახლეობას კორონავირუსთან ბრძოლის პრევენციის სარეკომენდაციო ფლაერები გადასცა.

თაიმერი timer.ge
ავტ.: თაიმერი timer.ge მარტი 26, 2020 23:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


14,472
ვიზიტორი
დღეში
Powered By Google Analytics