ჩემთვის პატივია, ვიმსახურო საქართველოში აშშ-ის ელჩად

ჩემთვის პატივია, ვიმსახურო საქართველოში აშშ-ის ელჩად, მოუთმენლად ველოდები იმ ძლიერი პარტნიორობის გაგრძელებას, რომელიც აშშ-სა და საქართველოს აქვთ, – ამის შესახებ საქართველოში აშშ-ის ელჩმა კელი დეგნანმა თბილისში ჩამოსვლის შემდეგ განაცხადა.

მისი თქმით, საქართველომ ბოლო წლებში უზარმაზარ პროგრესს მიაღწია და ჯერ კიდევ ბევრია გასაკეთებელი.

„გამარჯობა, მოხარული ვარ, რომ როგორც იქნა, ჩამოვედი. ჩემთვის პატივია, ვიმსახურო აშშ-ის ელჩად საქართველოში და მოუთმენლად ველოდები იმ ძლიერი პარტნიორობის გაგრძელებას, რომელიც ამერიკასა და საქართველოს აქვთ. თითქმის 30 წლის განმავლობაში ჩვენ ვმუშაობთ ერთად, რომ დავეხმაროთ საქართველოს დემოკრატიული ინსტიტუტებისა და პროცესების მშენებლობაში, ეკონომიკის დევირსიფიცირებაში, განათლებისა და ჯანდაცვის სისტემების გაუმჯობესებაში და, რა თქმა უნდა, საქართველოს უნარიანობის გაძლიერებაში, დაიცვას საკუთარი საზღვრები და მოქალაქეები. ვფიქრობ, საქართველომ მიაღწია უზარმაზარ პროგრესს ბოლო წლებში და ჯერ კიდევ ბევრია გასაკეთებელი.

მოუთმენლად ველოდები, დავეხმარო საქართველოს, საელჩოს გუნდთან და ვაშინგტონთან ერთად, რომ მიაღწიოს თავის ხედვას, რომელიც სტაბილურ, აყვავებულ და უსაფრთხო საქართველოს გულისხმობს“, – განაცხადა კელი დეგნანმა.

აშშ-ის ახალი ელჩი კელი დეგნანი საქართველოში დღეს ჩამოვიდა.

banner
წინა სტატიაშიემზარ უბილავა: მთავარია არ გავიყიდოთ, დავიცვათ ჩვენი და ჩვენი შვილების ღირსეული მომავალი-ვიწყებთ თავიდან
შემდეგი სტატიაანაკლიის ღრმაწყლოვანი პორტის ტერიტორიიდან შენებელ კომპანიას სამშენებლო ტექნიკის დარჩენილი ნაწილი გააქვს