ჩეხეთის კონსტიტუციით განმტკიცდება მოქალაქეთა უფლება საკუთარი და სხვისი სიცოცხლის დასაცავად იარაღის გამოყეენბის შესახებ – შესაბამის ცვლილებას ჩეხეთის სენატმა უყარა კენჭი. ძირითადი უფლებებისა და თავისუფლებების ნაწილს დაემატება, რომ “საკუთარი ან სხვისი სიცოცხლის იარაღით დაცვაც კი გარანტირებულია კანონით დადგენილი პირობებით”.
“წინადადებას არა მხოლოდ სიმბოლური ხასიათი აქვს, არამედ მას შეუძლია მომავალში დაზღვევაც იყოს” – შესწორების ინიციატივის ჯგუფის სახელით მარტინ ჩერვიჩეკმა თქვა. მან ევროკავშირის რამდენიმე ქვეყანა აღნიშნა, სადაც აკრძალულია ნებისმიერი ნივთის ქონა, რომელიც შეიძლება აღიქვას, როგორცვ იარაღი. ჩერვიჩეკის სიტყვებით, მოსახლეობის განიარაღება მეტი უსაფრთხოების გარანტია ვერ იქნება, რადგანაც დამნაშავეები მაინც არაკანონიერად იშოვიან იარაღს.
შესწორებას 74 სენატორიდან 54 დაუჭირა მხარი.
ადრე შესწორებას კენჭი პარლამენტის პალატამ უყარა. ჩეხეთის პრეზიდენტს, სხვა კანონებისგან განსხვავებით, საკონსტიტუციო ცვლილებებზე ვეტოს დადება არ შეუძლია.
შესწორება ძალაში შევა არა უგვიანეს 1 სექტემბრისა.
საკონსტიტუციო შესწორებაზე პეტიციის შემდეგ დაიწყეს საუბარი, რომელსაც ხელი 102 ათასმა მოქალაქემ მოაწერა.
