ჩეხეთის სადაზვერვო სამსახურებმა დაიწყო გამოძიება რუსეთის მართლმადიდებლურ ეკლესიაში კრემლის მიერ კონტროლირებადი რელიგიური ორგანიზაციის მხრიდან სახელმწიფო დემოკრატიული ინსტიტუტებისთვის შესაძლო საფრთხის გამო,-იუწყება Orthodox Times.
მანამდე ჩეხეთის სენატის უშიშროების კომიტეტმა მოითხოვა გაერკვია, არის თუ არა რუსეთის მართლმადიდებლური ეკლესია ჩართული ქვეყანაში რუსული გავლენისა და პროპაგანდის გავრცელებაში.
”რუსეთის მართლმადიდებლური ეკლესია და ჩეხეთის მართლმადიდებლური ეკლესია არ უნდა იქნას გამოყენებული რუსეთის ფედერაციის მიერ, როგორც ინსტრუმენტები ჩეხეთის რესპუბლიკის ინტერესების საწინააღმდეგო ქმედებებისთვის,” – თქვა კომიტეტის თავმჯდომარემ პაველ ფიშერმა.
მან ხაზგასმით აღნიშნა, რომ ჩეხეთის რესპუბლიკაში რუსული მართლმადიდებლური ეკლესია არის მოსკოვის საპატრიარქოს ფილიალი, რომელიც მჭიდროდ არის დაკავშირებული რუსეთის მთავრობასთან და გააფრთხილა, რომ რელიგიური თავისუფლება არ შეიძლება გახდეს მისი გავლენის ხელშეწყობის საფარველი.
შინაგან საქმეთა სამინისტროს დაევალა გამოიძიოს როგორც რუსეთის მართლმადიდებელი ეკლესიის, ასევე ჩეხეთის მართლმადიდებელი ეკლესიის წევრების შესაძლო უკანონო ქმედებები.
საგარეო საქმეთა მინისტრმა იან ლიპავსკიმ ადრე განაცხადა, რომ ის არ თვლის რუსეთის მართლმადიდებლურ ეკლესიას „ლეგიტიმურ ეკლესიად“ და მის წარმომადგენლებს „ნამდვილ სასულიერო პირებად“.
რუსეთის მართლმადიდებლური ეკლესია არის კრემლის რეპრესიული აპარატის ნაწილი, რომელიც ჩართულია რუსეთის გავლენის ოპერაციებში, აღნიშნა ლიპავსკიმ.
2023 წლის აპრილში ჩეხეთის მთავრობამ სანქციების სიაში შეიყვანა მოსკოვისა და სრულიად რუსეთის პატრიარქი კირილი უკრაინის წინააღმდეგ რუსეთის სამხედრო აგრესიისადმი მისი საჯარო მხარდაჭერის გამო. გარდა ამისა, ჩეხეთის ხელისუფლებამ ბინადრობის ნებართვა გაუუქმა რუსეთის მართლმადიდებლური ეკლესიის სასულიერო პირს, ნიკოლაი ლისენიუკს, რომელიც გაასამართლეს ევროკავშირში სეპარატისტული განწყობების გასავითარებლად გავლენის ქსელის შექმნისთვის.
გამოძიება დაწყებულია.
