ჩეხეთის პრეზიდენტმა, მილოშ ზემანმა ქვეყნის პარლამენტს შესთავაზა სომხების გენოციდის საკითხი შეისწავლონ და აღიარონ – ადგილობრივი მედია წერს.
“მე ვაპირებ პარლამენტს მივმართო, რომ 1915 წელს ოსმანეთის იმპერიის მიერ სომხების გენოციდი ვაღიაროთ” – განაცხადა ზემანმა დღეს დილით სომხეთის პრეზიდენტთან, სერჟ სარგსიანთან ერთად ერევანში გამართულ პრეს-კონფერენციაზე, სადაც ის ოფიციალური ვიზიტით იმყოფება.
შეგახსენებთ, რომ 2 ივნისს ბუნგესტაგის დეპუტატებმა მიიღეს რეზოლუცია, პირველ მსოფლიო ომში ოსმანეთის იმპერიის მიერ სომხების წინააღმდეგ ჩადენილი გენოციდის შესახებ.
რეზოლუციამ გერმანასა და თურქეთს შორის ურთიერთობა დაძაბა.