ჩეხეთის პრეზიდენტი მილოშ ზემანი მართებულად მიიჩნევს უკრაინისთვის იარაღის მიწოდების გაგრძელებას და უკრაინელი სამხედროების წვრთნაში ჩეხეთის ჩართვას.
ამის შესახებ პოლიტიკოსმა, რომელიც 24 თებერვლამდე პრორუსულად ითვლებოდა, ტელეარხის CNN Prima News-ის ეთერში განაცხადა.
„დიახ, მე დავთანხმდებოდი როგორც იარაღის მიწოდებას, ასევე უკრაინელი სამხედროების მომზადებას… უკრაინაში რუსული აგრესია რომ არ ყოფილიყო, ამას არ დავთანხმდებოდი“, – განაცხადა პოლიტიკოსმა.
