ჩეჩნეთში რამდენიმე ჰომოსექსუალი დააპატიმრეს. ადგილობრივი მთავრობა რუსულ მედიაში გავრცელებულ ინფორმაციას “სრულ აბსურდს” უწოდებს. ორშაბათს, 14 იანვარს გამოქვეყნდა, რომ ჩეჩნეთში 40 გეი და ლესბოსელი დააკავეს. “რუსული ლგბტ-ქსელის” მიერ გავრცელებულ განცხადებაში ნათქვამია, რომ დაკავებისას, მინიმუმ ორი პირი წამების შედეგად გარდაიცვალა – “ბიბისი” წერს.
ჩეჩნეთის რესპუბლიკის მეთაურის პრეს-მდივანმა ალვი კარიმოვმა თქვა, რომ ეს განცხადება “თუკი ლიტერატურულად ვიტყვით, არ არის სწორი და დეზინფორმაციაა. ჩეჩნეთშის რესპუბლიკაში არ არის არანაირი ციხე და თავისუფლების აღმკვეთი ადგილი, რომელიც ფედერალურ სამსახურში არ შედის”.
ჩეჩნეთში გეების დაკავების შესახებ ინფორმაცია 2017 წლიდან ვრცელდება.
