ჭავჭავაძის გამზირზე დაავადებული და ხმობადი ფიჭვები მოიჭრება

region
ავტ.: region ივლისი 19, 2020 11:27

ჭავჭავაძის გამზირზე დაავადებული და ხმობადი ფიჭვები მოიჭრება

ჭავჭავაძის გამზირზე, ძველი სტუდქალაქის მიმდებარედ და სახელმწიფო უნივერსიტეტის პირველი კორპუსის ეზოში დაავადებული და ხმობადი ფიჭვები მოიჭრება.

დედაქალაქში დაავადებული და ხმობადი ფიჭვების სანიტარიული ჭრის პროცესი აქტიურ რეჟიმში მიმდინარეობს.
დაავადების გავრცელების პრევენციის მიზნით, 20 ივლისიდან, აღნიშნული სამუშაოები ეტაპობრივად დაიწყება და ტერიტორიაზე ჯამში, 113 ძირი დაავადებული და ხმელი ფიჭვი მოიჭრება.

თბილისის მერიის ინიციატივით, დაავადებული ფიჭვების მდგომარეობა საერთაშორისო ექსპერტებმა შეისწავლეს. მსგავსი ტიპის კვლევა საქართველოში პირველად ჩატარდა. სპეციალისტებმა ლაბორატორიული კვლევები ევროკავშირში აკრედიტებულ ლაბორატორიაში ჩაატარეს. მათი ვიზიტის ერთ-ერთი მიზანი დაავადების გავრცელების პრევენცია და ჯანსაღი კორომების გადარჩენა იყო.

სანიტარიული ჭრა დედაქალაქის სხვადასხვა ტერიტორიაზე ეტაპობრივად გაგრძელდება.

სამუშაოებს შპს „ეკოსერვის ჯგუფი“ განახორციელებს.

region
ავტ.: region ივლისი 19, 2020 11:27

Google სტატისტიკა


4,431
ვიზიტორი
დღეში
Powered By Google Analytics