ჩაშლილი ვიზიტი სტრასბურგში – ზაზა სარალიძე და ელისო კილაძე პროკურატურისგან გამოძიების დაწყებას ითხოვენ

ქეთი ფერაძე
: ქეთი ფერაძე აგვისტო 10, 2018 10:11

ჩაშლილი ვიზიტი სტრასბურგში – ზაზა სარალიძე და ელისო კილაძე პროკურატურისგან გამოძიების დაწყებას ითხოვენ

ზაზა სარალიძე და ელისო კილაძე დღეს მთავარ პროკურატურას განცხადებით მიმართავენ. შვილმოკლული მამა და გაზეთ “ქრონიკა +”-ის რედაქტორი ითხოვენ უწყებამ დაადგინოს, რა მიზეზით ჩაიშალა მათი და მალხაზ მაჩალიკაშვილის სტრასბურგში გამგზავრება.

მთავარ პროკურატურაში მისვლამდე ისინი ევროკავშირის წარმომადგენლობასთან გამართავენ ბრიფინგს და წარმომადგენლობას ამ ფაქტთან დაკავშირებით მათ ხელთ არსებულ ინფორმაციას მიაწვდიან.

კილაძე და სარალიძე განმარტებებს სახელმწიფო უსაფრთხოების სამსახურისგანაც ითხოვენ. მათი აზრით, სტრასბურგში დაგეგმილი შეხვედრები სუს-მა მიზანმიმართულად ჩაშალა.

„შევიტანთ პროკურატურაში საჩივარს იმასთან დაკავშირებით თუ ვისგან იყო გავრცელებული ეს ინფორმაცია, რომ ჩვენ ვიყავით ტერორისტული დაჯგუფების წევრები და რატომ აპირებდნენ ჩვენს განეიტრალებას. სამწუხაროდ, მოუწევს საქართველოს ხელისუფლებას სერიოზულ კითხვებზე პასუხის გაცემა თუ რატომ დაგვადანაშაულა ჩვენ საქართველოს მოქალაქეები ტერორიზმში,“-განაცხადა ზაზა სარალიძემ.

ქეთი ფერაძე
: ქეთი ფერაძე აგვისტო 10, 2018 10:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,436
ვიზიტორი
დღეში
Powered By Google Analytics