ჩარკვიანი – „ჩრდილოვანი კაბინეტი“, როდის გამოხვალთ ჩრდილიდან, როდის მორჩება „სახალხო სეირნობა“

„ჩრდილოვანი კაბინეტი“, როდის გამოხვალთ ჩრდილიდან და პატარ-პატარა ლოკაციებიდან დიდ ლოკაციაზე, როდის მორჩება „სახალხო სეირნობა“, – ამის შესახებ „კანონი და სამართალის“ ლიდერი თაკო ჩარკვიანი სოციალურ ქსელში წერს.

მისი თქმით, უფრო კარგია, რუსთაველზე სტრატეგიულად 40 ათასი ადამიანის ყოფნა, ვიდრე „1 000 კაცით გაბრაზებულად სეირნობა სხვადასხვა ლოკაციაზე“.

ჰოდა 40 ათასი რუსთაველზე უფრო კარგია სტრატეგიულად თუ „1 000 კაცით“ „გაბრაზებულად სეირნობა“ სხვადასხვა ლოკაციაზე და თან მხოლოდ ნაცპარტიის ლიდერებით.

„ჩრდილოვანი კაბინეტი“, როდის გამოხვალთ ჩრდილიდან და პატარ-პატარა ლოკაციებიდან დიდ ლოკაციაზე, „სახალხო სეირნობა“ როდის მორჩება. კითხვა მაქვს მარტივი, მესმის, რომ 900 ათასი ამომრჩევლიდან არ გამოდის ქუჩაში ამდენივე, (ასე ხდება ხოლმე), რეგისტრირდებიან (ფბ-ში წერენ, მაგრამ არ მოდიან), მაგრამ 40 და 30 ათასი რომ გამოდის ხომ ვნახეთ, უკვე თან ბევრჯერ, ხომ ასეა?! ჰოდა 40 ათასი რუსთაველზე უფრო კარგია სტრატეგიულად თუ „1 000 კაცით“ „გაბრაზებულად სეირნობა“ სხვადასხვა ლოკაციაზე და თან მხოლოდ ნაცპარტიის ლიდერებით. ამას ვამბობ – ვიმეორებ („ზოგიერთისთვის“ ტვინში რომ შეუშვან), კაცი საქართველოს მესამე პრეზიდენტია და მხოლოდ ერთი პარტიის ლიდერად რატომ ტოვებთ ორგანიზატორები, ვერ ვხვდები.

მე, ერთი მოქალაქე, დღეს იმიტომ გამოვდივარ რესპუბლიკის მოედანზე, რომ სახელმწიფო მომტაცა შვიდკაციანმა ბანდამ, რომელსაც „ხელისუფლება“ ჰქვია რუსი ოლიგარქის ივანიშვილის მეთაურობით, რომელიც მკვლელობის მონაწილედ გვხდის და არა იმიტომ, რომ როგორც ჩანს, საკმაოდ სუსტ და ნაადრევად შექმნილ „ჩრდილოვან კაბინეტს“ ვუყურო“, ჰოდა ამაზე იფიქრეთ „ზოგიერთმა“, არ ვიცი, ვის ეხება, რომელ „ჩრდილოვან ლიდერს“ (ვინც მიიღებთ საკუთარ თავზე იმას).

ხალხს ტრიბუნა მიეცით, იქნებ უკეთ მიხედონ საქმეს. (თქვენ მოემსახურეთ „ჩრდილოვანი კაბინეტიდან“), ასე უფრო წაადგება ქვეყანას. სულ მთლად „ჩრდილოეთის“ ანუ „რუსეთის“ მსახური ხელისუფლება გადაბარებას გვიპირებს და რა დროს ნაადრევი ამბიციებია.

15:00 საათზე, მოვდივარ, (როგორც ყოველთვის) ჯერ მოქალაქე და მერე პოლიტიკოსი“, – წერს თაკო ჩარკვიანი.

წინა სტატიაშიკალოიანი ხოშტარიაზე – შიმშილობის მე-17 დღეს ეს გადაწყვეტილება ძალიან სახიფათოა
შემდეგი სტატიაარ შეიძლება როგორც ექცევიან პრეზიდენტს – ბათუმის მერიის თანამშრომელმა თანამდებობა დატოვა