ჩაქვი-ქობულეთის გზაზე ავარიისას დაშავებული ჩვილები საავადმყოფოში გარდაიცვალნენ
ჩაქვი-ქობულეთის გზაზე ავარიისას დაშავებული ჩვილები საავადმყოფოში გარდაიცვალნენ. როგორც შსს-ს პრესსამსახურში ჟურნალისტებს განუცხადეს, მსუბუქი ავტომანქანა და სატვირთო ავტომობილი შეეჯახა ერთმანეთს.
ავარიის შედეგად, მამაკაცი ადგილზე გარდაიცვალა. როგორც პირველ არხს ბათუმის სასწრაფო დახმარების სამსახურში განუცხადეს, მომხდარის შედეგად დაშავდა ორი ქალი. ასევე, დაშავებული ერთ წლამდე ასაკის ჩვილები ბათუმის დედათა და ბავშვთა ცენტრში გადაიყვანეს, თუმცა მათი გადარჩენა ვერ მოხერხდა.
მომხდართან დაკავშირებით გამოძიება მიმდინარეობს გამოძიება.