ცესკო: საარჩევნო ადმინისტრაცია მზად არის სამართლიანი, სანდო არჩევნების ჩასატარებლად

news
ავტ.: news სექტემბერი 22, 2016 14:08

ცესკო: საარჩევნო ადმინისტრაცია მზად არის სამართლიანი, სანდო არჩევნების ჩასატარებლად

ცენტრალურ საარჩევნო კომისიაში დღეს ამერიკის შეერთებული შტატების ელჩისა და ცესკო-ს თავმჯდომარის შეხვედრა გაიმართა.

ცესკო-ს ცნობით, თამარ ჟვანიამ იან კელის 8 ოქტომბრის არჩევნებისთვის მზადების პროცესის შესახებ მიაწოდა ინფორმაცია და აღნიშნა, რომ საარჩევნო ადმინისტრაცია მზად არის სამართლიანი, სანდო, გამჭვირვალე არჩევნების საერთაშორისო სტანდარტების შესაბამისად ჩასატარებლად.

თამარ ჟვანიამ ელჩთან საუბრისას, ამომრჩეველთა განახლებული სიის, რეგისტრირებული საარჩევნო სუბიექტებისა და სადამკვირვებლო ორგანიზაციების შესახებაც ისაუბრა. მხარეებმა ასევე განიხილეს წინასაარჩევნო გარემო. იან კელიმ 8 ოქტომბრის არჩევნებისთვის ცესკო-ს მიერ განხორციელებული აქტივობები დადებითად შეაფასა.

შეხვედრას, რომელიც ცენტრალურ საარჩევნო კომისიაში გაიმართა, ასევე ესწრებოდნენ ცესკო-ს იურიდიული დეპარტამენტის ხელმძღვანელი არჩილ ანასაშვილი და აშშ საელჩოს პოლიტიკური ოფიცერი ლორა ჰოჩლა.

news
ავტ.: news სექტემბერი 22, 2016 14:08

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


12,804
ვიზიტორი
დღეში
Powered By Google Analytics