ცენტრალური საარჩევნო კომისიის თავმჯდომარის, თამარ ჟვანიას განცხადებით, ამ დროისათვის, თბილისში არსებული 737 საარჩევნო უბნიდან 165-ის შედეგები დათვლილია, რაც საერთო რაოდენობის 22 პროცენტს შეადგენს და ხმათა უმრავლესობით, მერობის სახელისუფლებო კანდიდატი ლიდერობს. ამის შესახებ თამარ ჟვანიამ ცესკო-ში გამართული ბრიფინგისას რამდენიმე წუთის წინ განაცხადა.
ცესკო-ს თავმჯდომარის მიერ დასახელებული წინასწარი მონაცემებით, თბილისის მერობის არჩევნების მეორე ტური არ ჩატარდება.
თამარ ჟვანიას თქმით, ამ დროისათვის არსებული წინასწარი მონაცემებით, ხმების 51,4 პროცენტი „ქართული ოცნების“ თბილისის მერობის კანდიდატს კახა კალაძეს ერგო, 16,68 პროცენტი – ზალიკო უდუმაშვილს „ერთიანი ნაციონალური მოძრაობიდან, ხოლო, 16,6 პროცენტი – დამოუკიდებელ კანდიდატს ალეკო ელისაშვილს.