ცენტრალური საარჩევნო კომისიის გადაწყვეტილებით, „პატრიოტთა ალიანსის“ და „ახალი მემარჯვენეების” საარჩევნო ნომერი უცვლელი დარჩა. ამის შესახებ გადაწყვეტილება ცესკო-მ მიიღო. სხდომაზე საკითხს 9 წევრმა დაუჭირა მხარი, ორი კი წინააღმდეგი წავიდა.
ცესკო-ს გადაწყვეტილებას „ახალი მემარჯვენეები“ და „პატრიოტთა ალიანსი“ სამართლიანად მიიჩნევენ და აცხადებენ, რომ ისინი ამ საარჩევნო ნომრით გასულ წლებში ჩატარებული ადგილობრივი და პარლამენტის შუალედურ არჩევნებში იღებდნენ მონაწილეობას.
„რესპუბლიკური პარტიის“ წარმომადგენლები ცესკო-ს ამ გადაწყვეტილებას აპროტესტებენ და ითხოვდნენ, რომ ყველა პარტიის საარჩევნო ნომერი წილისყრით უნდა განსაზღვრულიყო.