ქვეყნის მასშტაბით თვითმმართველობის მეორე ტურში მონაწილეობა 1 024 406-მა ამომრჩეველმა მიიღო, რაც რეგისტრირებულ ამომრჩეველთა 49,9%-ია.
ამის შესახებ ცესკოს სპიკერმა ნათია იოსელიანმა ბრიფინგზე განაცხადა.
მისივე ინფორმაციით, თბილისში არჩევნების მეორე ტურში მონაწილეობა მიიღო რეგისტრირებული ამომრჩევლების 47,7%-მა, რაც 478 642 ამომრჩეველია.
ცესკოს მიერ გამოქვეყნებული ინფორმაციით, ყველაზე მაღალი აქტივობა ისევ რაჭა-ლეჩხუმშია – 59,9%, ხოლო ყველაზე დაბალი აქტივობა კვლავ მცხეთა-მთიანეთშია – 43,2%.
