ცერცვაძე: საქართველოსთვის ოპტიმალურია „ასტრაზენეკას“ და ირისის ოქსფორდის უნივერსიტეტის მიერ წარმოებული ბრიტანული ვაქცინა

თაიმერი timer.ge
ავტ.: თაიმერი timer.ge იანვარი 13, 2021 22:52

ცერცვაძე: საქართველოსთვის ოპტიმალურია „ასტრაზენეკას“ და ირისის ოქსფორდის უნივერსიტეტის მიერ წარმოებული ბრიტანული ვაქცინა

მნიშვნელოვანი

  • ჩემი სურვილია და მე მიმაჩნია, რომ საქართველოსთვის ოპტიმალურია „ასტრაზენეკას“ და ირისის ოქსფორდის უნივერსიტეტის მიერ წარმოებული ბრიტანული ვაქცინა

სხვა სტატიები

დაახლოებით ერთ თვეში საქართველოში შემოვა „ფაიზერის“ ვაქცინის მცირე რაოდენობა, – ამის შესახებ ინფექციური პათოლოგიისა და შიდსის ცენტრის გენერალურმა დირექტორმა, თენგიზ ცერცვაძემ განაცხადა.

მისივე თქმით, „ფაიზერის“ ვაქცინით აიცრებიან მედიცინის მუშაკები და მაღალი რისკის ჯგუფები.

ცერცვაძის თქმით, სავარაუდოდ მარტში საქართველოში შემოვა ვაქცინის ძირითადი რაოდენობა, თუმცა ჯერ უცნობია რომელი წარმოების ვაქცინა იქნება ეს. როგორც თავად აცხადებს, უმჯობესი იქნება, თუ ეს იქნება „ასტრაზენეკას“ ვაქცინა.

„დაახლოებით ერთ თვეში საქართველოში შემოტანილი იქნება, „ფაიზერის“ ვაქცინის მცირე რაოდენობა, რამოდენიმე ათეული ათასი დოზა შემოვა, რადგან ეს ვაქცინა მსოფლიო ბაზარზე ზოგადად ძალიან ცოტაა. ასევე, მას სჭირდება განსაკუთრებული პირობები. „ფაიზერის“ ვაქცინის უფრო მეტი რაოდენობისთვის, მილიონი და ორი მილიონი დოზისთვის, საქართველოს ლოჯისტიკური ბაზა არ ეყოფა იმიტომ, რომ ამ რაოდენობის მინუს 80-გრადუსიანი მაცივრები არ არის. ამიტომ თავიდან იგეგმება, რომ შემოიტანონ მცირე პარტია და ვაქცინაცია ჩაუტარდეს მხოლოდ მედიცინის მუშაკებს და მაღალი რისკის ჯგუფებს, გარკვეული ასაკის ზემოთ. გააჩნია, რამდენი იქნება ვაქცინა.

ამის შემდეგ, დაახლოებით მარტისთვის ველოდებით ვაქცინის ძირითადი რაოდენობის შემოსვლას. ჯერ არ არის გადაწყვეტილი, რომელი იქნება. ჩემი სურვილია და მე მიმაჩნია, რომ საქართველოსთვის ოპტიმალურია „ასტრაზენეკას“ და ირისის ოქსფორდის უნივერსიტეტის მიერ წარმოებული ბრიტანული ვაქცინა, რამეთუ ეს ვაქცინა, მე რამდენადაც მაქვს ინფორმაცია, არის ყველაზე უკეთესი ხარისხის და ის თავისუფალია იმ უხერხულობისგან, რაც ახასიათებს „ფაიზერს“ და „მოდერნას“. მას არ სჭირდება -80 გრადუსი, ის ინახება მაცივრის ჩვეულებრივ ტემპერატურაზე +2-დან +8-მდე. ამდენად, „ასტრაზენეკას“ ვაქცინა არის ოპტიმალური და იდეალური საქართველოსთვის“, – განაცხადა თენგიზ ცერცვაძემ.

თაიმერი timer.ge
ავტ.: თაიმერი timer.ge იანვარი 13, 2021 22:52

Google სტატისტიკა


5,155
ვიზიტორი
დღეში
Powered By Google Analytics