ტერორისტულმა დაჯგუფება “ისლამურმა სახელმწიფომ” უკვე გამოიყენა ქიმიური იარაღი და მას იარაღის დამზადების საშუალებებიც გააჩნია – ამის შესახებ აშშ-ს ცენტრალური სადაზვერვო ბიუროს დირექტორმა ჯონ ბრენანმა ტელეარხ CBS-თან განაცხადა, რომლის სიტყვებს ბრიტანული “სანი” ციტირებს.
“დაფიქსირებულია რამდენიმე შემთხვევა, როცა ბრძოლის ველზე ისლამურმა სახელმწიფომ გამოიყენა ქიმიური იარაღი” – განაცხადა ბრენანმა.
10 თებერვალს მსგავსი განცხადებით გამოვიდა აშშ-ს ეროვნული დაზვერვის დირექტორი ჯეიმს კლეპერი: “ჩვენ ბევრი შეტყობინება მივიღეთ იმასთან დაკავშირებით, რომ ერაყსა და სირიაში გამოიყენეს ქიმიური იარაღი” – განაცხადა მან.
კლეპელის თქმით, 2014 წლის აგვისტოში ქიმიური იარაღის გამოყენების ფაქტების გამოძიებისას დადგინდა, რომ “მინიმუმ ორმა ადამიანმა მიიღო დაზიანება”.