ცენტრალურ ისრაელში სროლას მსხვერპლი მოჰყვა. სროლების სერიის შედეგად, 35 წლის მამაკაცი დაიღუპა და ხუთი დაშავდა.
როგორც დასავლური მედია წერს, პოლიციამ მომხდარ სავარაუდო ტერორისტულ თავდასხმად შეაფასა. პოლიციის პრესსპიკერის თქმით, სავარაუდო თავდამსხმელი, ისრაელელი არაბი მოკლეს და მის მფლობელობაში ცეცხლსასროლი იარაღი იპოვეს.
ისრაელის მედიის ცნობით, მოკლულია მეორე ეჭვმიტანილიც.
„ადგილზე დიდი რაოდენობით საპოლიციო ძალები რჩებიან და ძებნა გრძელდება“, – ნათქვამია პოლიციის მიერ გავრცელებულ განცხადებაში.
პოლიცია საზოგადოებას სიფხიზლისკენ მოუწოდებს. ადგილობრივმა მედიამ 35 წლის გარდაცვლილი ისრაელის მოქალაქედ დაასახელა.
